Міністр замежных спраў Уладзімір Макей і намеснік памочніка міністра абароны ЗША Майкл Карпентэр на сустрэчы ў Нью-Ёрку абмеркавалі арганізацыю ўзаемадзеяння паміж краінамі ў ваеннай сферы.

фота: www.mfa.gov.by

        Міністр замежных спраў Уладзімір Макей і намеснік памочніка міністра абароны ЗША Майкл Карпентэр на сустрэчы ў Нью-Ёрку абмеркавалі арганізацыю ўзаемадзеяння паміж краінамі ў ваеннай сферы. Яшчэ адной тэмай сустрэчы стала наладжванне прамога дыялогу паміж ваеннымі ведамствамі Беларусі і ЗША ва ўмовах нарастання напружанасці ва ўсходнееўрапейскім рэгіёне.
       У рамках візіту ў Нью-Ёрк Уладзімір Макей прыняў удзел ва ўрачыстым адкрыцці агульнай дыскусіі "Мэты ў галіне ўстойлівага развіцця: усеагульныя намаганні па пераўтварэнні нашага свету" 71-й сесіі Генеральнай Асамблеі Арганізацыі Аб'яднаных Нацый. Таксама адбыўся шэраг рабочых кантактаў дыпламата з еўрапейскімі калегамі і прадстаўнікамі іншых краін.