Беларусь упершыню прыме ўдзел у міжнародным конкурсе "Прадпрымальнік года".

      Беларусь упершыню прыме ўдзел у міжнародным конкурсе "Прадпрымальнік года", які праводзіцца штогод у рамках міжнароднай праграмы "Entrepreneur Of The Year Awards" кампаніі "Эрнст энд Янг". Конкурс накіраваны на прызнанне ўкладу вядучых прадпрымальнікаў у нацыянальную і сусветную эканоміку, садзейнічанне ўздыму прадпрымальніцкай актыўнасці і эканамічнаму росту ў краінах - удзельніцах конкурсу, пошук узораў для пераймання ў сённяшнім бізнесе для наступнага пакалення прадпрымальнікаў. Пераможцы нацыянальнага этапу конкурсу прымуць удзел у міжнародным спаборніцтве лепшых прадпрымальнікаў свету ў Монтэ-Карла.