Канцэпцыя развіцця навукі і эканомікі "Беларусь-2020" у бліжэйшы час будзе вынесена на шырокае абмеркаванне.

       Пра гэта паведаміў старшыня Прэзідыума Нацыянальнай акадэміі навук Уладзімір Гусакоў падчас круглага стала, прысвечанага вынікам і перспектывам укаранення інавацый у вытворчасць. Канцэпцыя развіцця навукі і эканомікі "Беларусь-2020" распрацоўваецца да Другога з'езда вучоных, які пройдзе ў першым квартале 2014 года, і можа стаць асновай для распрацоўкі праграмы сацыяльна-эканамічнага развіцця краіны на наступную пяцігодку.