У Нацыянальнай бібліятэцы Беларусі працягваецца выстава “Лепшыя кнігі Беларусі – 2014”.

         Выстава падрыхтавана па выніках конкурсу “Мастацтва кнігі”. Нацыянальны конкурс “Мастацтва кнігі” падводзіць вынікі працы беларускіх кнігавыдаўцоў. Мэта конкурсу – вызначыць лепшыя выдавецкія праекты, якія сталі падзеяй у нацыянальным кнігавыдавецтве. У 2014 годзе вышэйшай узнагароды конкурсу – “Гран-пры” ў намінацыі “Трыумф” – удастоена факсіміле Полацкага Евангелля, якое выйшла ў выдавецтве Беларускага экзархата.