У Беларусі пачалася рэгістрацыя кандыдатаў у дэпутаты мясцовых Саветаў.

          У Беларусі пачалася рэгістрацыя кандыдатаў у дэпутаты мясцовых Саветаў і агітацыя. Як паказвае вопыт папярэдніх кампаній, самая актыўная "бітва за галасы" разгорнецца ў абласных цэнтрах і сталіцы. Усяго паводле звестак Цэнтрвыбаркама, на дэпутацкія мандаты прэтэндуе больш за 17 тысяч кандыдатаў. Большасць вылучаны шляхам збору подпісаў і ад працоўных калектываў. На значную прысутнасць у мясцовых Саветах разлічваюць найбуйнейшыя грамадскія арганізацыі - "Белая Русь" і прафсаюзы.