Віфлеемскі агонь міру асвяціць Гродна.

     Урачыстая сустрэча агню, запаленага ад Незгасальнай лампады ў базіліцы Ражаства Хрыстовага ў Віфлееме, пройдзе ў галоўным каталіцкім храме абласнога цэнтра - касцёле імя св.Францішка Ксаверыя. Віфлеемскі агонь запаляць каля галоўнага алтара гродзенскага храма, і да Ражаства кожны вернік зможа прынесці часцінку святога агню ў свой дом. Гэтай традыцыі ў Беларусі ўжо больш за 10 гадоў. Ад Віфлеемскага агню гродзенская каталіцкая моладзь запаліць новыя лампады і адвязе іх ва ўсе прыходы епархіі. Акрамя таго, расійскія скаўты даставяць сімвалічны агонь Ражаства ў Расію.