Бюджэт Саюзнай дзяржавы на 2014 год прыняты ў першым чытанні

Бюджэт Саюзнай дзяржавы на 2014 год прыняў у першым чытанні Парламенцкі сход Саюза Беларусі і Расіі падчас сесіі ў Маскве. Саюзны бюджэт 4 млрд. 872 млн. расійскіх рублёў. У ім пакуль няма даходаў ад агульнай уласнасці, паведаміў старшыня Дзярждумы Расіі Сяргей Нарышкін. Што да фінансавага плана Саюзнай дзяржавы на наступны год, Сяргей Нарышкін адзначыў, што значная частка сродкаў будзе накіравана на фундаментальныя даследаванні і садзейнічанне навукова-тэхнічнаму прагрэсу, на развіццё прамысловасці і энергетыкі, транспарту і сувязі. Прыярытэтам застаецца і захаванне сацыяльнай накіраванасці саюзнага бюжэту, фінансаванне праграм па ахове здароўя, адукацыі і культуры.