Галоўная ёлка Беларусі запаліць свае агні ў Палацы Рэспублікі 27 снежня.

         Па традыцыі, на свята запросяць выдатнікаў вучобы, актывістаў піянерскага руху, юных спартсменаў, а таксама дзецей-сірот і тых, якія засталіся без апекі бацькоў, дзецей з абмежаванымі магчымасцямі. Для іх у Палацы Рэспублікі будзе працаваць выстава "Калядная зорка", адбудзецца казачны паказ. На святкаванне Каляд і Новага года ў Мінск запрошаны юныя беларусы з гімназій Рыгі і Вільнюса. Рэспубліканская акцыя "Нашы дзеці" арганізуецца ўжо 19-ы раз і стартуе 11 снежня. Па традыцыі, падчас акцыі выхаванцы дзіцячых устаноў атрымліваюць дапамогу і падарункі да Новага года і Ражаства ад прадстаўнікоў міністэрстваў, ведамстваў, прадпрыемстваў і проста ўсіх неабыякавых.