Першы ў свеце помнік згушчанаму малаку з’явіцца ў Рагачове.

         Першы ў свеце помнік згушчанаму малаку адкрыюць 23 лістапада ў Рагачове. Трохметровая скульптура з металу і керамічных кампазіцыйных матэрыялаў мае добра знаёмыя насельніцтву краіны бела-блакітныя колеры. Згушчанае малако, вырабленае на Рагачоўскім малочна -кансервавым камбінаце, - адзін з галоўных брэндаў Беларусі. Гэты класічны прадукт , які вырабляецца па унікальнай тэхналогіі, на працягу многіх дзесяцігоддзяў лічыцца ўзорам якасці.