Беларусь прэзентуе ЧС- 2014 па хакеі на найбуйнейшай турыстычнай выставе ў Лондане.

        Беларусь прэзентуе ЧС- 2014 па хакеі на найбуйнейшай турыстычнай выставе World Travel Market, якая праходзіць у Лондане. Падчас выставы плануецца таксама наладзіць кантакты з аналагічнымі замежнымі структурамі, якія займаюцца развіццём турызму ў сваіх краінах, і сродкамі масавай інфармацыі. World Travel Market з'яўляецца найбуйнейшай іміджавай падзеяй у сферы сусветнага турызму і прыцягвае вялікую колькасць прафесійных удзельнікаў турыстычнага рынку. Штогод экспазіцыю наведваюць больш за 50 тыс. спецыялістаў, у працы выставы ўдзельнічаюць каля 5,5 тыс. кампаній- экспанентаў, якія прадстаўляюць амаль 200 краін.