Еўразійская эканамічная камісія і Арменія заключаць Мемарандум аб паглыбленні ўзаемадзеяння.

          Еўразійская эканамічная камісія і Арменія на гэтым тыдні заключаць Мемарандум аб паглыбленні ўзаемадзеяння. Плануецца, што дакумент падпішуць у Ерэване старшыня Калегіі ЕЭК Віктар Хрысценка і прэм'ер-міністр Арменіі Тыгран Саркісян. Мемарандум дазволіць паглыбіць і ўзмацніць узаемадзеянне паміж Еўразійскай эканамічнай камісіяй і Арменіяй. Прадстаўнікі гэтай краіны змогуць прысутнічаць на адкрытых пасяджэннях Вышэйшага Еўразійскага эканамічнага савета, Савета Еўразійскай эканамічнай камісіі і пасяджэннях Калегіі ЕЭК. Рашэнне аб падпісанні мемарандума прынялі прэзідэнты Беларусі, Казахстана і Расіі на саміце ў Мінску.