У наступным годзе ў Магілёве стартуе праект па стварэнні творчых лабараторый для моладзі.

       У  наступным годзе  ў Магілёве стартуе праект па стварэнні творчых лабараторый для моладзі. Ідэя ўзнікнення адукацыйнага працэсу вырасла з міжнароднага пленэра па жывапісе "Вобраз Радзімы ў выяўленчым мастацтве".  Выніковая выстава сёлетняга  пленэра ўразіла спецыялістаў. Кантакты са славутымі мастакамі , некаторыя сакрэты школы жывапісу мінулых гадоў дазволілі маментальна падняць ўзровень прафесійнага майстэрства моладзі—гавораць арганізатары.