Сесія Савета калектыўнай бяспекі Арганізацыі Дагавора аб калектыўнай бяспецы пройдзе 23 верасня ў Сочы.

      Як паведаміў прэс -сакратар АДКБ Уладзімір Зайнетдзінаў  у савет уваходзяць кіраўнікі дзяржаў - членаў АДКБ - Беларусі, Арменіі , Казахстана , Кыргызстана , Расіі і Таджыкістана. Пасяджэнне Савета пройдзе ў вузкім складзе і ў фармаце пленарнага пасяджэння.
     Кіраўнікі дзяржаў разгледзяць пакет дакументаў аб развіцці ваеннага складніка да 2020 года - гэта рашэнні і адносна стварэння авіяцыйных сіл АДКБ , і па арганізацыі кіравання калектыўнымі сіламі.