Інвестпраекты на Беларускім металургічным заводзе - сусветнага ўзроўню, - лічыць прэм’ер-міністр Беларусі.

          Інвестыцыйныя праекты, якія рэалізуюцца на Беларускім металургічным заводзе - сусветнага ўзроўню. Пра гэта заявіў прэм'ер-міністр Беларусі Міхаіл Мясніковіч. У час рабочай паездкі ў Магілёўскую і Гомельскую вобласці кіраўнік урада азнаёміўся з працэсам рэалізацыі найбуйнейшых інвестыцыйных праектаў на прадпрыемствах  "Белшына" і "БМЗ".  Па яго словах, яны будуць заўтра вызначаць выгляд беларускай эканомікі. У ААТ "Белшына" ідзе без спынення вытворчасці паэтапная мадэрнізацыя ўсіх трох заводаў. Прэм'ер-міністр зрабіў акцэнт на тым, што рэалізацыя інвестпраектаў дасць магчымасць вывесці шынную прадукцыю на сусветны ўзровень па якасці. Міхаіл Мясніковіч азнаёміўся з будаўніцтвам драбнасортна-драцянога стана на "БМЗ". Арганізацыя вытворчасці сартавога пракату дасць магчымасць перайсці на вытворчасць прадукцыі з больш высокай дабаўленай вартасцю. Кошт гэтага праекта - амаль 330 млн. еўра.