Беларусь і Сінгапур маюць трывалы фундамент для пашырэння партнёрства.

       Спрыяльныя палітычныя ўмовы ўзаемаадносін, дынамічнае развіццё эканомік Беларусі і Сінгапура - трывалы фундамент для пашырэння плённага двухбаковага партнёрства ў гандлёва-эканамічнай, інвестыцыйнай, навукова-тэхнічнай і іншых галінах. Пра гэта гаворыцца ў віншаванні, якое Прэзідэнт Беларусі Аляксандр Лукашэнка накіраваў Прэзідэнту Сінгапура Тоні Тан Кенг Яма і народу гэтай краіны з нагоды Нацыянальнага Дня. Беларускі лідар таксама перакананы, што сумесныя намаганні будуць і ў далейшым садзейнічаць эфектыўнай рэалізацыі значнага патэнцыялу беларуска-сінгапурскага супрацоўніцтва.