Анлайн-рынак Беларусі дэманструе адзін з самых высокіх тэмпаў росту ў Еўропе.

   І эксперты даюць прагноз: рост працягнецца, чакаецца, што аб'ём беларускага рынку электроннай камерцыі ў хуткім часе дасягне паўтара мільярда долараў за год. Паводле слоў спецыялістаў рынку, таксама сістэма дзяржзакупак у нашай краіне перажывае лічбавую трансфармацыю, мэта якой складаецца ў тым, каб спрасціць удзел у іх прадпрыемстваў і дзяржаўнага сектара. Адзначым, ужо створана анлайн-платформа Export.by, якая спрыяе хуткаму пошуку бізнес-партнёраў і дапамагае беларускім экспарцёрам у прасоўванні сваёй прадукцыі на знешнія рынкі.