«Непарушнае братэрства – 2020» стартуюць у Беларусі.

     Маштабныя вучэнні «Непарушнае братэрства – 2020» сёння стартуюць у Беларусі. Будуць задзейнічаныя міратворчыя сілы АДКБ, паліцэйскія падраздзяленні і кантынгент міністэрстваў па надзвычайных сітуацыях. У якасці назіральнікаў запрошаныя прадстаўнікі Міжнароднага камітэта Чырвонага Крыжа. Агульная колькасць удзельнікаў – больш за 700 чалавек. Акрамя таго, задзейнічаюць звыш 100 адзінак ваеннай і спецыяльнай тэхнікі, у тым ліку верталёты і беспілотнікі. Сярод задач манеўраў – падрыхтоўка і адпрацоўка аперацыі па падтрыманні міру. На думку аналітыкаў, правядзенне вучэнняў гаворыць пра гатоўнасць дзяржаў АДКБ абараняць свае нацыянальныя і калектыўныя інтарэсы. Нагадаем, манеўры «Непарушнае братэрства» праводзяцца пачынаючы з 2012 года на тэрыторыі адной з краін-удзельніц АДКБ.