Старт хакейнай Лігі чэмпіёнаў перанесены на 17 лістапада.

  Турнір павінен быў пачацца 6 кастрычніка. Прычына - складаная эпідэміялагічная сітуацыя. Перанос турніру не паўплывае на фармат правядзення. Але цяпер два першыя раўнды скарочаныя - матчы серыі пройдуць у адным і тым жа горадзе, дзе базуецца каманда з больш высокім рэйтынгам. Такім чынам, «Юнацтва» згуляе два матчы з «Оцеларжы» у Чэхіі, а «Нёман» правядзе свае паядынкі з «Фрелундой» ў Швецыі.