Тэатральная і кінапраграма "Славянскага базару" пройдуць на аснове самаакупнасці

"Тэатральныя сустрэчы-2013" і кінапраграма XXII Міжнароднага фестывалю мастацтваў "Славянскі базар у Віцебску" пройдуць на аснове самаакупнасці, паведаміў дырэктар дырэкцыі фестывалю Аляксандр Сідарэнка.

У "Тэатральныя сустрэчы-2013" уключаны шэсць пастановак. Папулярнасць праекта такая высокая, што квіткі на пастаноўкі раскупляюцца ў першыя ж дні продажаў. Сёлета не выключэнне.

У "Фестывальнай кінапраграме" будзе  чатыры стужкі: "Легенда № 17", "Мужчынская жаночая гульня", "Дачка" (Расія) і фільм "Сляды апосталаў" (Беларусь). На іх прэзентацыі запрошаны стваральнікі фільмаў і артысты

22 Міжнародны фестываль мастацтваў "Славянскі базар у Віцебску"  пройдзе на наступным тыдні.