Тавараабарот Беларусі і Польшчы перавышае $3 млрд у год - Пасол

Тавараабарот Беларусі і Польшчы - больш за $3 млрд у год. Пра гэта заявіў Пасол Польшчы ў Беларусі Артур Міхальскі ў эфіры тэлеканала "Беларусь 1".

Польскіх інвестараў прыцягваюць розныя беларускія галіны. Напрыклад, мэблевая індустрыя, аграрны і IT сектары. Пачынаецца супрацоўніцтва і ў энергетыцы. У прыватнасці, прапрацоўваецца пытанне паставак нафты ў Беларусь з Польшчы.

У цэлым, дадаў дыпламат, у апошнія гады Беларусь і Польшча ўсведамляюць, наколькі важныя добрасуседскія адносіны паміж краінамі.