Прэзідэнт Беларусі адзначае вялікі патэнцыял у развіцці партнёрства дзяржавы і прыватнага бізнесу

Прэзідэнт Беларусі Аляксандр Лукашэнка адзначае вялікі патэнцыял у развіцці партнёрства дзяржавы і прыватнага бізнесу.

Уручаючы ордэн Айчыны III ступені генеральнаму дырэктару таварыства "Трайпл" Юрыю Чыжу, прэзідэнт адзначыў, што даччыныя прадпрыемствы гэтай кампаніі размяшчаюцца ў многіх рэгіёнах краіны, а прадукцыя заваявала давер пакупнікоў не толькі ў Беларусі, але і за яе межамі. Таксама ўзнагародамі адзначаны кіраўнікі прадпрыемстваў  "Санта Імпэкс Брэст", "Вітэкс", "Бабушкіна крынка", а таксама групы кампаній "Алютех".

Як адзначыў кіраўнік дзяржавы, ордэны і медалі - гэта прызнанне заслуг кампаній, якія ўносяць важкі ўклад у развіццё Беларусі, клапоцяцца пра рост дабрабыту нашых грамадзян.