Віцебскія анколагі азнаёмяцца з арганізацыяй аказання спецыялізаванай дапамогі хворым у Манака і ўніверсітэцкіх клініках Германіі.

        Такая дамоўленасць абмяркоўвалася з дэлегацыяй Папскага савета па пастырскай апецы работнікаў аховы здароўя. Прадстаўнікі Ватыкана наведалі Віцебск падчас IX Міжнароднай канферэнцыі "Праблемы ўрачэбнай этыкі ў сучасным свеце".
Госці пабывалі ў клінічнай дзіцячай бальніцы, клінічным анкалагічным дыспансеры, спецыялізаваным доме дзіцяці і выказалі зацікаўленасць у далейшай сумеснай працы.