Мазамбік зацікаўлены ў стварэнні сумесных зборачных вытворчасцей беларускай тэхнікі

         Намеснік міністра замежных спраў Беларусі Валянцін Рыбакоў пад час візіту ў Мазамбік сустрэўся з прэм'ер-міністрам гэтай краіны Альберту Вакінам.
         Бакі абмеркавалі магчымыя напрамкі ўзаемадзеяння з акцэнтам на перспектывах супрацоўніцтва ў сферы сельскай гаспадаркі, прамысловай кааперацыі, адукацыі, развіцця сельскіх раёнаў. Альберту Вакіна выказаў зацікаўленасць мазамбікскага боку ў стварэнні сумесных зборачных вытворчасцей беларускай тэхнікі. Дасягнута дамоўленасць аб актывізацыі супрацоўніцтва паміж Беларуссю і Мазамбікам па гэтых напрамках.