Рэспубліка Гана зацікаўлена ў прыцягненні ў сваю эканоміку беларускіх прамысловых і сельскагаспадарчых тэхналогій

         Неабходнасць інтэнсіфікацыі кантактаў паміж урадавымі інстытутамі і дзелавымі коламі Беларусі і Ганы, а таксама развіцця дагаворна-прававой базы двухбаковых адносін падкрэслена на сустрэчы Надзвычайнага і Паўнамоцнага Пасла Беларусі ў Нігерыі і Гане па сумяшчальніцтве Вячаслава Бяскостнага з намеснікам міністра замежных спраў Ганы Квесі Кверці.
На сустрэчы прадстаўнік Ганы адзначыў зацікаўленасць у прыцягненні ў эканоміку Ганы беларускіх прамысловых і сельскагаспадарчых тэхналогій, прадукцыі машынабудавання, а таксама абмене вопытам у сферы вядзення камунальнай гаспадаркі.