Завяршыўся афіцыйны візіт Прэзідэнта Беларусі Аляксандра Лукашэнкі ў Арменію

       Завяршыўся афіцыйны візіт Прэзідэнта Беларусі Аляксандра Лукашэнкі ў Арменію. Беларускі лідар правёў перамовы са сваім армянскім калегам Сержам Саргсянам. У цэнтры ўвагі былі перспектывы развіцця эканамічных кантактаў і пашырэння двухбаковага гандлю, рэалізацыя сумесных прамысловых і інфраструктурных праектаў з прыцягненнем інвестыцый і ўкараненнем сучасных тэхналогій.
Падчас візіту падпісаны пакет двухбаковых дакументаў аб развіцці супрацоўніцтва ў галіне ядзернай бяспекі, сельскай гаспадаркі, спорту, гуманітарнай сферы.