Новую версію лірыка-камедыйнай оперы Станіслава Манюшкі "Verbum Nobile" прадставяць у Мінску.

           Новую версію лірыка-камедыйнай оперы выдатнага кампазітара Станіслава Манюшкі "Verbum Nobile" ("Слова гонару") прадставяць у Мінску ў канцы мая. Сусветная прэм'ера оперы адбылася ў 1861 годзе ў Варшаве, дзе ў той перыяд жыў і працаваў Станіслаў Манюшка. Вытанчаны камедыйны сюжэт і яркасць музычных вобразаў прынеслі спектаклю поспех і зрабілі оперу адным з лепшых твораў кампазітара. Новая рэжысёрская версія Алены Медзяковай прадставіць жанр класічнай камернай оперы ў арыгінальным сучасным ключы.