Беларуская абшчына Малдовы сёлета правядзе шэраг літаратурных чытанняў да юбілеяў класікаў.

Беларуская абшчына Малдовы сёлета правядзе шэраг літаратурных чытанняў, прымеркаваных да юбілеяў класікаў беларускай паэзіі, літаратуры і культуры, а таксама нацыянальных герояў Беларусі. Так, у красавіку пройдуць літаратурныя чытанні, прысвечаныя 175-годдзю нацыянальнага героя Беларусі Кастуся Каліноўскага. У верасні плануецца арганізаваць вечар памяці паэтаў і драматургаў Вінцэнта Дуніна-Марцінкевіча і Алеся Бачылы. Акрамя таго, у гэтым годзе прадстаўнікі Беларускай абшчыны Малдовы прымуць удзел у шматлікіх фестывалях і конкурсах у Малдове і Беларусі.