На XIV Вільнюскім міжнародным кніжным кірмашы будзе прадстаўлены нацыянальны стэнд "Кнігі Рэспублікі Беларусь".

        У кірмашы прымуць удзел кнігавыдаўцы з Літвы, Беларусі, Італіі, Японіі, Польшчы, Францыі, Расіі і Германіі. У праграме форуму - каля 300 розных мерапрыемстваў: дыскусіі, сустрэчы з літоўскімі і замежнымі аўтарамі, канцэрты, спектаклі, вечары музыкі і паэзіі, мастацкія выставы. Падчас выставы выдавецтва "Беларуская энцыклапедыя iмя Петруся Броўкі"  і пасольства Беларусі ў Літве сумесна з бібліятэкай Вільнюскага ўніверсітэта правядуць прэзентацыю выдання "Беларусы ў фотаздымках Ісака Сербава".