Міністр замежных спраў Беларусі выступіў за захаванне асноватворных прынцыпаў "Усходняга партнёрства".

     Міністр замежных спраў Беларусі Уладзімір Макей прыняў удзел у 2-м раўндзе нефармальных міністэрскіх дыялогаў "Усходняга партнёрства". Кіраўнік беларускай дэлегацыі выступіў за захаванне асноватворных прынцыпаў ініцыятывы, улік інтарэсаў усіх краін-партнёраў, далейшае напаўненне “Усходняга партнёрства” канкрэтным практычным зместам. У сувязі з гэтым беларускім бокам быў унесены шэраг канкрэтных прапаноў у дачыненні да працэсу падрыхтоўкі да вільнюскага саміту, у тым ліку фарміраванне спісу прыярытэтных стратэгічных праектаў і ўмацаванне бізнес-вымярэння гэтай ініцыятывы.