Прэм'ер-міністры Беларусі і Арменіі абмеркавалі магчымасці рэалізацыі сумесных праектаў

Прэм'ер-міністры Беларусі і Арменіі Міхаіл Мясніковіч і Тыгран Саркісян абмеркавалі падчас тэлефоннай размовы актуальныя пытанні двухбаковага супрацоўніцтва. У ходзе гутаркі, у прыватнасці, армянскі бок пацвердзіў гатоўнасць разгледзець пытанні ўдзелу беларускіх арганізацый у рэалізацыі інфраструктурных праектаў у Арменіі. Гаворка ідзе аб будаўніцтве дарог, ГЭС, арашальных сістэм, рамонтах школ. Таксама размова ішла аб стварэнні беларуска-армянскага прадпрыемства па зборцы беларускай тэхнікі.