Японія зацікаўлена інвеставаць у беларускую эканоміку высокіх тэхналогій.

       Гэта паведаміў дэпутат Палаты прадстаўнікоў, кіраўнік групы дружбы “Японія-Беларусь” парламента Японіі Гэньіціра Сата. Ён адзначыў, што ў Беларусі эфектыўна працуе шэраг вядомых японскіх кампаній. Разам з развіццём эканамічнага партнёрства Японія хоча паглыбляць культурныя і гуманітарныя сувязі з Беларуссю. Падчас гэтага візіту адбудзецца абмен інфармацыяй з беларускімі калегамі ў галіне ядзернай бяспекі для хутчэйшай ліквідацыі наступстваў і прадухілення катастроф, падобных да тых, што адбыліся ў Чарнобылі і Фукусіме. Гэта вельмі аб’ядноўвае нас, - падкрэсліў японскі парламентарый. Зусім хутка ў Беларусь прыедзе група дзяцей з прэфектуры Фукусіма. Госць падзякаваў за такую магчымасць.