Вызначаны міжпарламенцкія арганізацыі, якія будуць запрошаны для маніторынгу парламенцкіх выбараў

Фота: www.belta.by

Палата прадстаўнікоў Нацыянальнага сходу Беларусі вызначыла міжпарламенцкія арганізацыі, якія будуць запрошаны для маніторынгу выбараў 11 верасня. Як адзначыў спікер Уладзімір Андрэйчанка, галоўная задача - дапамагчы арганізаваць работу замежных назіральнікаў так, каб яны змаглі аб'ектыўна ацаніць сітуацыю ў краіне, пераканаліся, што выбары праходзяць спакойна, адкрыта і дэмакратычна, у адпаведнасці з нацыянальным заканадаўствам.
Дакладная колькасць назіральнікаў на выбарах 11 верасня стане вядома пазней, аднак калі кіравацца прыкладам кампаніі 2012 года, гэта можа быць каля 600-700 міжнародных удзельнікаў маніторынгу.