Дні Францыска Скарыны прайшлі ў Празе

Дні Францыска Скарыны прайшлі ў сталіцы Чэхіі – Празе. Праект прымеркаваны да 495-годдзя з дня выдання вялікім асветнікам у Празе першай друкаванай Бібліі на старабеларускай мове, а таксама 20-годдзю ўстанаўлення дыпламатычных адносін паміж Беларуссю і Чэхіяй. Адбыліся канцэрты арганнай і камернай музыкі. Увазе публікі былі прапанаваны творы сусветнай класікі і сучасныя беларускія кампазіцыі ў выкананні салістаў полацкага Сафійскага сабора і Беларускага дзяржаўнага музычнага тэатра.