У Будапешце абмеркавана ўмацаванне беларуска-венгерскіх эканамічных сувязей.

        Пытанні беларуска-венгерскага эканамічнага ўзаемадзеяння абмеркавалі ў Будапешце пасол Беларусі ў Венгрыі Аляксандра Хайноўскі і дырэктар упраўлення Усходняй Еўропы, Паўночнага Каўказа і Сярэдняй Азіі Міністэрства замежных спраў Венгрыі, спецпрадстаўнік міністра па сувязях з краінамі СНД Эрнэ Кешкень. Гаворка ішла аб перспектывах двухбаковага супрацоўніцтва з акцэнтам на актывізацыі гандлёва-эканамічных сувязей. З улікам старшынства Венгрыі ў Цэнтральна-Еўрапейскай ініцыятыве ў наступным годзе і ў Вышаградскай групе (з 1 ліпеня 2013 года па 30 чэрвеня 2014 года) бакі дамовіліся ўмацоўваць двухбаковыя сувязі па лініі гэтых рэгіянальных структур.