Беларусь шчыра зацікаўлена стаць важным звяном эканамічнага пояса Шаўковага шляху.

    Аб гэтым заявіў кіраўнік беларускага знешнепалітычнага ведамства Уладзімір Макей на 5-й сустрэчы міністраў замежных спраў краін - членаў Нарады па ўзаемадзеянні і мерах даверу ў Азіі. Уладзімір Макей адзначыў, што Беларусь актыўна падтрымлівае вылучаную Старшынёй КНР Сі Цзіньпінам стратэгію "Адзін пояс, адзін шлях". На думку міністра, рэалізацыя грандыёзнага па сваёй задуме праекта, які звязвае вялікія прасторы, можа ўнесці рэальны ўклад ва ўмацаванне даверу на Еўразійскім кантыненце, стаць новай мадэллю ўзаемавыгаднага супрацоўніцтва.