Інфармацыйны цэнтр беларускай АЭС наведалі больш за 10 тыс. чалавек

Фота: www.atom.belta.by

Інфармацыйны цэнтр беларускай АЭС з моманту адкрыцця наведалі больш за 10 тыс. чалавек. Тут пабывалі замежныя дэлегацыі з Расіі, Украіны, Літвы, Польшчы, Славеніі, Венгрыі, ЗША, Фінляндыі і іншых краін. У цэнтры можна атрымаць інфармацыю аб будаўніцтве, прынцыпах працы і сістэмах бяспекі Беларускай АЭС, уплыве атамнай станцыі на экалогію, пазнаёміцца з матэрыяламі ацэнкі ўздзеяння на навакольнае асяроддзе, гісторыяй і перспектывамі атамнага горада Астраўца. Інфацэнтр працуе для наведвальнікаў бясплатна.