У Мінску адкрыўся форум маладых спецыялістаў на 79-ай Генасамблеі Міжнароднай электратэхнічнай камісіі.

          Яго ўдзельнікамі сталі амаль 70 маладых спецыялістаў з 35 краін. У сталіцу Беларусі прыбылі прадстаўнікі Аўстраліі, Бразіліі, Вялікабрытаніі, Германіі, Індыі, Кітая, ЗША, Мексікі, Японіі і іншых дзяржаў. Стратэгія МЭК у тым, каб развіваць новыя рынкі і тэхналогіі, таму на адкрыцці мерапрыемства маладых прафесіяналаў заклікалі арыентавацца на патрэбы сваіх кампаній і краін, і адзначылі, што стандарты МЭК спрыяюць павышэнню задаволенасці спажыўцоў, а таксама забяспечваюць больш танныя тэхналогіі і лепшыя інвестыцыі ў іх.