Пасяджэнні Савета міністраў замежных спраў і Савета кіраўнікоў дзяржаў СНД пройдуць 15-16 кастрычніка ў Казахстане.

       На разгляд Савета кіраўнікоў дзяржаў Садружнасці будуць унесены праекты дакументаў, прысвечаных 70-годдзю стварэння ААН і 30-й гадавіне аварыі на Чарнобыльскай АЭС. Акрамя таго, кіраўнікі дзяржаў прымуць дакументы, якія рэгламентуюць супрацоўніцтва ў сферы міграцыі, барацьбы са злачыннасцю, культуры, папярэджання і ліквідацыі надзвычайных сітуацый, аховы граніц, а таксама разгледзяць пытанні, якія адносяцца да развіцця ўзаемадзеяння ў ваеннай сферы. Частка дакументаў будзе папярэдне абмеркавана ў Астане на пасяджэнні міністраў замежных спраў.