Наша краіна выступае за ўрэгуляванне міжнародных спрэчак у адпаведнасці са Статутам ААН.

       Беларусь заўсёды выступала і выступае за ўрэгуляванне міжнародных спрэчак у адпаведнасці з літарай і духам Статута ААН. Пра гэта заявіў старшыня ніжняй палаты беларускага парламента Уладзімір Андрэйчанка на 4-й Сусветнай канферэнцыі спікераў парламентаў у штаб-кватэры Генасамблеі ААН у Нью-Йорку. Паводле яго слоў, палітыка ціску, негатоўнасць да раўнапраўнага дыялогу, прымяненне санкцый супярэчаць прынцыпам ўстойлівага развіцця. Таксама Уладзімір Андрэйчанка адзначыў, што Беларусь гатова і далей рабіць усё для зняцця напружанасці ў рэгіёне.