Гала-канцэрт XI Рэспубліканскага фестывалю нацыянальных культур адбудзецца 12 верасня ў Мінску.

          Сваё майстэрства падчас яго прадставяць больш за 20 нацыянальных калектываў і выканаўцаў: ансамбль танца “Сонечная Грузія”, украінскі вакальны ансамбль “Крыніца”, ансамбль армянскага танца “Эрэбуні” і многія іншыя. Канцэрт дасць старт чарговаму фестывалю нацыянальных культур, заключныя мерапрыемствы якога пройдуць у Гродне ў чэрвені 2016-га. Абласныя адборачныя туры пройдуць да канца года. Дадам, што Фестываль нацыянальных культур ладзіцца ў Беларусі кожныя два гады, спрыяе захаванню нацыянальнай самабытнасці і разам з тым ўзаемаразуменню і ўзбагачэнню культур. Па сваім фармаце ён не мае аналагаў у свеце.