Беларусь і Расія разглядаюць магчымасць стварэння трансгранічнага біясфернага рэзервата "Асвея - Красны Бор - нацыянальны парк "Себежскі".

       Беларусь і Расія разглядаюць магчымасць стварэння трансгранічнага біясфернага рэзервата "Асвея - Красны Бор - нацыянальны парк "Себежскі". Пра гэта паведаміў намеснік міністра прыродных рэсурсаў і аховы навакольнага асяроддзя Беларусі Ігар Качаноўскі. Рэзерват будзе стварацца пад эгідай ЮНЕСКА. Матэрыялы па беларускай частцы ўжо гатовы. Па словах намесніка міністра, гэта вельмі перспектыўны аб'ект. Рэзерват будзе спрыяць развіццю тэрыторый, якія ў яго ўвойдуць.