Наша краіна актыўна падтрымлівае дзейнасць МАГАТЭ.

      Беларусь, рэалізуючы нацыянальную ядзерную энергетычную праграму, надае першарадную ўвагу пытанням гарантавання ядзернай і радыяцыйнай бяспекі. У сувязі з гэтым бяспека будучай АЭС - дзяржаўны прыярытэт. Гэты факт асабліва падкрэсліў намеснік начальніка галоўнага ўпраўлення шматбаковай дыпламатыі МЗС Беларусі Яўген Лазараў падчас пасяджэння Генасамблеі ААН. Беларускі дыпламат адзначыў, што ўсе неабходныя этапы развіцця ядзернай энергетыкі Беларусь праходзіць у цесным узаемадзеянні з МАГАТЭ. Ён пацвердзіў, што краіна падтрымлівае дзейнасць МАГАТЭ як вядучай міжнароднай арганізацыі, якая спрыяе бяспечнаму, надзейнаму і мірнаму выкарыстанню ядзернай энергіі ў мэтах ўстойлівага развіцця.