Беларусь абмяркоўвае з ААЭ магчымасць паставак сельскагаспадарчай і харчовай прадукцыі.

       Гэта пытанне разглядалася на сустрэчы часовага паверанага ў справах Беларусі ў ААЭ Сяргея Белагорцава з першым намеснікам міністра навакольнага асяроддзя і водных рэсурсаў краіны Абдэльрахімам Махамедам Абдулой аль-Хамадзі. Бакі абмеркавалі пытанні арганізацыі доступу беларускай сельскагаспадарчай і харчовай прадукцыі на эмірацкі рынак. Акрамя таго, былі разгледжаны перспектывы рэалізацыі сумесных праектаў у галіне сельскай гаспадаркі.