Фаліянт Залатой Кнігі Санкт-Пецярбурга дастаўлены ў Беларусь

Фаліянт Залатой Кнігі Санкт-Пецярбурга ўпершыню дастаўлены ў Беларусь.

Летапіс славы расійскага горада папоўніўся памятным запісам, прысвечаным ураджэнцу Дубровенскага раёна танкісту Андрэю Усаву і подзвігу, здзейсненаму на подступах да Ленінграда 20 жніўня 1941. Яму няма аналагаў у сусветнай гісторыі. Тады на подступах да горада сіламі роты - пяці танкавых экіпажаў пад камандаваннем Зіновія Калабанава былі знішчаны 43 танкі, 19 гармат, 11 бронетранспарцёраў, цягачоў і аўтамашын гітлераўцаў. Прычым 22 танкі падбіў экіпаж самога Калабанава, у складзе якога наводчыкам быў беларус Андрэй Усаў.