Вопыт бязвізавага наведвання Белавежскай пушчы можа быць распаўсюджаны на іншыя аб'екты

Вопыт бязвізавага наведвання Белавежскай пушчы можа быць распаўсюджаны на іншыя трансгранічныя аб'екты. Аб гэтым ішла размова на пасяджэнні савета па турызме пры Саўміне. Да прыкладу, гэта можа быць трансгранічны біясферны рэзерват "Заходняе Палессе", нацпарк "Браслаўскія азёры" і іншыя тэрыторыі. Намеснік прэм'ер-міністра Наталля Качанава падтрымала прапанову.

Нагадаем, замежныя грамадзяне з 12 чэрвеня могуць наведваць нацыянальны парк "Белавежская пушча" без візы. Пры гэтым знаходзіцца на тэрыторыі запаведніка можна не больш за тры дні.