Ідэю стварэння беларуска-польскай турыстычнай палаты абмеркавалі ў Брэсце

Ідэю стварэння беларуска-польскай турыстычнай палаты абмеркавалі ў Брэсце падчас круглага стала з удзелам беларускіх і польскіх тураператараў. Ідэю агучыў дарадчык пасольства Беларусі ў Польшчы Эдуард Швайко.

Прэзентацыю беларуска-польскай турыстычнай палаты, на яго погляд, можна было б правесці восенню ў Гродне, дзе плануецца вялікая двухбаковая сустрэча, прысвечаная тэме выкарыстання патэнцыялу Аўгустоўскага канала, або падчас турыстычных кірмашоў, якія праходзяць у Мінску і іншых гарадах.