Сталі вядомыя вынікі сацыялагічнага апытання, "Што выклікае ў вас пачуццё гонару за Беларусь"?, праведзенага Інфармацыйна-аналітычным цэнтрам пры Адміністрацыі Прэзідэнта. Даследаванне праводзілася па ўсёй краіне сярод паўналетніх грамадзян Беларусі.
Пераважная большасць жыхароў краіны - 84 % - адказалі, што ганарацца сучаснай Беларуссю. Больш за палову аўдыторыі на першае месца ў рэйтынгу паставілі народ. Прыродныя багацці як прадмет гонару расцэньваюць 42 % беларусаў. І больш за трэць апытаных адказалі, што ганарацца беларускай культурай.