Спікер: Маральны доўг сусветнай супольнасці - не дапусціць паўтарэння ваенных трагедый

Маральны доўг сусветнай супольнасці - не дапусціць паўтарэння ваенных трагедый. Такое меркаванне ў Гродне на пасяджэнні круглага стала, прысвечанага тэме памяці аб сусветных войнах, выказаў спікер ніжняй палаты беларускага парламента Уладзімір Андрэйчанка.

Ён адзначыў, што сёння грамадскасць турбуюць спробы фальсіфікацыі гісторыі. Уладзімір Андрэйчанка падкрэсліў, што ў рэалізацыі свайго знешнепалітычнага курсу Беларусь паслядоўна займае міралюбную пазіцыю. Нашы ініцыятывы заўсёды былі накіраваны на рашэнне міжнародных праблем выключна шляхам дыялогу, узаемапавагі і супрацоўніцтва. Празрыстасць палітычнага курсу, адсутнасць тэрытарыяльных спрэчак з суседзямі, адмова ад ядзернай зброі робяць Беларусь фактарам рэгіянальнай стабільнасці. Беларусь выступае донарам бяспекі ў інтарэсах іншых дзяржаў, - адзначыў Уладзімір Андрэйчанка.