VI Міжнародны кангрэс беларусістаў пройдзе 28 мая ў Мінску.

        Мерапрыемства прымеркавана да 500-годдзя беларускага і ўсходнеславянскага друку. Адной з тэм кангрэса, якая будзе разгледацца на круглым стале "Францыск Скарына і яго час", стане праблематыка вывучэння беларускага кнігавыдання ў XVI-XVII стагоддзях. Гаворка таксама будзе ісці пра вывучэнне беларускай мовы як замежнай. Плануецца, што на кангрэсе акрамя навукоўцаў з Беларусі выступяць вучоныя з Расіі, Украіны, Літвы, Польшчы, Аўстрыі, Венгрыі, Вялікабрытаніі, Германіі, Канады, Японіі.