Беларусь і Аргенціна пашыраюць двухбаковае ўзаемадзеянне.

      Беларусь і Аргенціна маюць намер на парламенцкім узроўні фарміраваць паўнацэнную дагаворна-прававую базу. Аб гэтым паведаміў намеснік старшыні Пастаяннай камісіі Палаты прадстаўнікоў Нацыянальнага сходу па міжнародных справах Віталь Бусько па выніках сустрэчы з дэлегацыяй Міністэрства замежных спраў Аргенціны. На сустрэчы абмяркоўваліся пытанні развіцця двухбаковых адносін на бліжэйшую перспектыву, у тым ліку ішла размова аб узаемадзеянні па лініі парламентаў. Акрамя таго, бакі разгледзелі пытанне аб бязвізавых паездках грамадзян і патэнцыял міжрэгіянальнага супрацоўніцтва Беларусі і Аргенціны. Што датычыцца ўзаемадзеяння адносна сферы культуры, замежныя госці пазітыўна ўспрынялі прапанову аб удзеле ў міжнародным фестывалі мастацтваў "Славянскі базар у Віцебску" артыстаў, якія прадставяць публіцы аргенцінскае танга.